Si Gong Linna ay mahusay sa pagkanta sa folk song ng Tsina, pero, ang kanyang mga awit ay sobrang creative. Kung hindi pa kayo nakarinig ng folk song ng Tsina, sa sandaling margining ninyo ang kanyang awit, tiyak na masosorpresa kayo. Sa kabilang dako, kung alam na ninyo ang folk song ng Tsina, kapag narining ninyo si Gong Linna, tiyak na mababago ang impresyon ninyo hinggil sa folk song ng Tsina.
Si Gong Linna ay naging kilala sa dahil sa isang awit na pinamagatang "Tante" o "Uneasy." Nang ilabas niya ang video nito noong 2010, mabilis itong naging popular sa internet. Hindi tulad ng mga normal na awit, walang lyrics ang "Tante," ang melody ay parang Peking Opera, at halos wala pang sinumang tao ang nakarinig na ng ganitong awit. Ang "Tante" ay tinatawag din na "divine tune."
Sapul nang maging popular ang video ng "Tante," libu-libong tao ang nagtangkang kopyahin ang ganitong uri ng pag-awit. Pero, hindi sila nagtagumpay. Ang tanong, sino ang lumikha ng "divine tune?" Sagot, si Laoluo, ang asawa ni Gong Linna. Sa awit na "Tante," ihinalo niya ang accompanying music ng Peking Opera. Ito ay tinugtog gamit ang drum at gong, kasama ng iba pang mga tradisyonal na instrument na gaya ng "sheng," "di," "yangqin," at iba pa. Ang buong awit ay nagpapakita ng iba pang role sa Peking Opera, halimbawa, older women, warrior, young man, little girl at iba pa.
Noong 21 taong gulang siya, natapos si Gong Linna ang pag-aaral sa Pambansang Instituto ng Musika ng Tsina. SIya ay nag-major sa Chinese folk song. Pagkaraan nito, lumahok siya sa mga singing contest at natamo niya ang halos lahat ng mga pinakamataas na gantimpala ng pagkanta ng folk song. Halimbawa, "Best Folk Song Singer" na iginawad ng Ministring Kultural ng Tsina, silver award sa CCTV Youth Singers Competition, at iba pa.
Upang pabutihin ang kanyang pagkanta, noong 2001, pumunta si Gong Linna sa Europa, at doon niya nakilala si Laoluo, ang kanyang asawa. Si Laoluo ay isang German musician, na noon ay naging katrabaho ni Gong Linna. Nagsikap sila para baguhin ang folk song ng Tsina.
Sa katunayan, Si Gong Linna ay isang taong talagang mahusay sa pagkanta ng folk song, at laging nagsisikap para baguhin ang tradisyonal na folk song ng bansa. Pero, kinakailangan ng mga manonood para matanggap ang ilan sa kanilang awit na kilala bilang "divine tune."
