Chinese Beef Steak

Mga Pangunahing Sangkap

500 grams ng rump steak, hiniwa nang mga 1 sentimetro o 1 centimeter ang kapal

2 kutsara ng mantika

1 butil o clove ng bawang, tinadtad

Para sa Marinade

1 kutsara ng light soya sauce

1 kutsara ng HP sauce

2 kutsara ng peanut oil

1 kutsarita ng Chinese rice wine o dry sherry

1/2 kutsarita ng sesame oil

1 kutsarita ng bicarbonate of soda

1 kutsara ng cornflour

1 itlog, binati

Para sa Sarsa o Gravy

3/4 na tasa ng tubig

1 kutsara ng Worcestershire sauce

1 kutsara ng tomato sauce

1 kutsarita ng oyster sauce

1 kutsarita ng asukal

1/2 kutsarita ng asin

1 pirot ng vetsin

Paraan ng Pagluluto

Hatiin ang karne nang pakuwadrado sa sukat na mga 4 na sentimetro o 4 centimeters. Paghalu-haluin ang lahat ng marinade ingredients at ibabad dito ang karne sa loob ng 8 oras. Halu-haluin paminsan-minsan. Hanguin ang karne sa marinade tapos patuluin.

Initin ang mantika sa malaki-laking kawali at igisa ang bawang hanggang magkulay brown. Alisin ang bawang, dagdagan ang apoy at sandaling iprito ang magkabilang gilid ng karne sa loob ng 2 minuto o 2 minutes. Initin ang gravy ingredients at ibuhos sa mga piraso ng karne. Takpan ang kawali at ilaga ang karne sa mahinang apoy hanggang sa lumambot ito at mabawasan ang sarsa.