Halos 690 bilyong dolyares na puhunang dayuhan, tinayang maaakit ng Tsina sa loob ng Ika-13 Panlimahang Taon Plano

Ayon sa komunike ng estadistika ng puhunang dayuhan ng Tsina sa taong 2020 na inilabas nitong Huwebes, Nobyembre 5, 2020 ng Ministri ng Komersyo ng Tsina, sa panahon ng Ika-13 Panlimahang Taong Plano hinggil sa pag-unlad ng pambansang kabuhayan at lipunan (2016-2020), tinayang aabot sa humigit-kumulang 690 bilyong dolyares ang kabuuang halaga ng puhunang dayuhan na maaakit ng Tsina.
 

Tumaas ng mahigit 10 bilyong dolyares ang taunang halaga ng pag-aakit ng puhunang dayuhan, kumpara sa panahon ng Ika-12 Panlimahang Taong Plano.
 

Mula noong 2017 hanggang 2019, nasa ika-2 puwesto sa daigdig ang taunang halaga ng pag-aakit ng puhunang dayuhan ng Tsina.
 

Sa kalagayan ng malaking resesyon ng paggalaw ng transnasyonal na kapital, tumaas sa 9.2% noong 2019 ang proporsyon ng inakit na puhunang dayuhan ng Tsina sa Foreign Direct Investmen (FDI) ng mundo, mula 6.6% noong 2015.
 

Ipinakikita naman ng datos na sa panahon ng Ika-13 Panlimahang Taong Plano, 11.4 trilyong yuan RMB ang kabuuang halaga ng buwis na binayad ng mga kompanyang pinatatakbo ng puhunang dayuhan, at ito ay katumbas ng 19.3% ng kabuuang halaga ng buwis ng buong bansa.
 

Salin: Vera