PRRD, dumating na sa Villamor Airbase para sa seremonya ng paghahandog ng bakuna kontra COVID-19 na kaloob ng Tsina

 

 

Si Pangulong Rodrigo Roa Duterte ay dumating na sa Villamor Airbase, Pasay City para sa seremonya ng paghahandog ng (600,000) dosis ng bakuna kontra Coronavirus Disease 2019 (COVID-19) na kaloob ng Tsina sa Pilipinas.

 

 

Kasama ni Pangulong Duterte ang ilang miyembro ng gabinete, at Huang Xilian, Embahador ng Tsina sa Pilipinas at ibang mga opisyal ng embahada.

 

 

Ang naturang mga bakuna ay dumating ngayong araw, 4:10PM, Pebrero 28, 2021, sa Villamor Airbase, Pasay City.

 

 

 

 

Ito ang katuparan ng pangako ng Tsina sa panahon ng opisyal na pagdalaw ni Wang Yi, Kasangguni ng Estado at Ministrong Panlabas ng Tsina, noong nagdaang Enero 2021.

 

 

Edit: Jade

Larawan: PCOO