Positibong pagtaya ng UNCTAD, nagpapakita ng kompiyansa sa kaunlarang pangkabuhayan ng Tsina sa 2021

 

Sinabi kahapon, Biyernes, ika-19 ng Marso 2021, ni Tagapagsalita Zhao Lijian ng Ministring Panlabas ng Tsina, na ang paggawa ng United Nations Conference on Trade and Development (UNCTAD) ng pagtaya sa mabilis na paglaki ng kabuhayang Tsino sa taong ito ay nagpapakita ng kompiyansa ng komunidad ng daigdig sa kaunlarang pangkabuhayan ng Tsina.

 

Kamakalawa, inilabas ng UNCTAD ang Trade and Development Report 2020 Update.

 

Ayon sa ulat, ang pagbangon ng pagluluwas ng Tsina noong huling hati ng nagdaang taon ay mas maganda kaysa inaasahan. Tinaya rin nitong lalaki ng 8.1% ang kabuhayang Tsino sa taong 2021.

 

Editor: Liu Kai
Pulido: Mac Ramos