Magkasanib na pahayag hinggil sa mga isyu ng global governance, inilabas ng mga ministrong panlabas ng Tsina at Rusya

Inilabas Martes, Marso 23, 2021 ng mga ministrong panlabas ng Tsina at Rusya ang magkasanib na pahayag hinggil sa mga isyu ng pangangasiwang pandaigdig.
 

Anang pahayag, sanhi ng tuluy-tuloy na pagkalat ng pandemiya ng Coronavirus Disease 2019 (COVID-19), mabilis na nagbabago ang kayariang pandaigdig, ibayo pang nawalan ng balanse ang global governance system, naapektuhan ang proseso ng pag-unlad ng kabuhayan, walang tigil na lumilitaw ang mga bagong banta at hamong pandaigdig, at pumasok na sa panahon ng kaligaligan ang daigdig.
 

Anito, dapat isaisang-tabi ng komunidad ng daigdig ang mga alitan, pagtipun-tipunin ang komong palagay, palakasin ang koordinasyon, ipagtanggol ang kapayapaan at daigdig at katatagan ng geostrategy, at pasulungin ang pagbuo ng mas makatarungan, demokratiko’t makatwirang multi-polar na kaayusang pandaigdig.
 

Tinututulan ng pahayag ang pagsasapulitika ng isyu ng karapatang pantao, at ipinagdiinang walang nag-iisang pamantayan ng modelo ng demokrasya. Dapat igalang ang lehitimong karapatan ng mga soberanong bansa sa nagsasariling pagpili ng landas ng pag-unlad.
 

Dapat igiit ang unipikasyon at kooperasyon, sa halip na pagkakawatak-watak at komprontasyon, diin ng pahayag.
 

Salin: Vera
 

Pulido: Mac