Bakunang Tsino kontra sa COVID-19, ipoprodyus sa Ehipto

Sa magkahiwalay na okasyon, idinaos kamakailan sa Beijing at Cairo ng mga kinatawan ng Sinovac ng Tsina at VACSERA ng Ehipto ang seremonya ng paglalagda sa kasunduang pangkooperasyon tungkol sa pagpoprodyus ng bakuna ng Sinovac sa Ehipto.

 

Sa pamamagitan ng video link, magkahiwalay na sinaksihan nina Mostafa Kamal Madbouly, Punong Ministro ng Ehipto, at Liao Liqiang, Embahador ng Tsina sa Ehipto, ang seremonya ng paglalagda.

 

Sa ngalan ng pamahalaan ng Ehipto, ipinaabot ni Madbouly ang pasasalamat sa ibinibigay na suporta ng Tsina sa Ehipto at mga umuunlad na bansa sa pakikibaka laban sa pandemiya.

 

Lubos din niyang pinapurihan ang isinasagawang pragmatikong kooperasyon ng Tsina at Ehipto sa iba’t-ibang larangan nitong ilang taong nakalipas.

Salin: Lito
Pulido: Mac