Beijing 2022 Winter Olympics: Mga boluntaryo, handa na

 

Ngayong araw, Oktubre 27, 2021 ay 100 araw na countdown para sa Beijing 2022 Winter Olympics.

 

Bilang pagsalubong sa okasyong ito, idinaos Martes, Oktubre 26, sa Beijing Sport University ang Seremonya ng Panunumpa ng mga Boluntaryong Estudyante ng mga Pamantasan para sa Beijing 2022 Winter Olympic and Paralympic Games.

 

Seremonya ng Panunumpa ng mga Boluntaryong Estudyante

 

Lumahok sa seremonya, online man at offline, ang mga boluntaryong estudyante mula sa 65 pamantasan ng Beijing at mga kinatawan mula sa Zhangjiakou, lunsod ng lalawigang Hebei.  

 

Kapuwa ang Beijing at Zhangjiakou ay host city ng gaganaping Beijing Winter Olympics at Paralympics.

 

Kasabay ng seremonya ng panunumpa, pinasinayaan din ang Ice Carnival at Kauna-unahang Paligsahang Pangkaibigan ng Ice Hockey ng mga Pamantasan ng Beijing.

 

Paligsahang pangkaibigan ng ice hockey

 

 

 

Salin: Jade

Pulido: Rhio