Estudyante ng Pilipinas at ASEAN, nakipag-usap sa mga taikonaut sa kalawakan

Isang online na diyalogo ang idinaos Nobyembre 1, 2022 sa pagitan ng halos isang libong estudyante ng Tsina, Pilipinas, at iba pang bansa ng Association of Southeast Asian Nations (ASEAN) at mga taikonaut ng Shenzhou-14 na nasa kalawakan.

Sa talakayan, sinagot ng tatlong taikonaut na sina Chen Dong, Liu Yang at Cai Xuzhe ang tanong ng mga estudyante.

Taikonaut na sina Chen Dong, Liu Yang at Cai Xuzhe

Samantala, ipinahayag ni Unang Ginang Liza Marcos na mahalaga ang pagsasagawa ng diyalogo sa pagitan ng mga estudyanteng Pilipino at taikonaut ng Shenzhou-14, dahil ito ay nagpapasigla ng interes ng mga batang Pilipino upang galugarin ang mga larangang may kinalaman sa kalawakan.

 Unang Ginang Liza Marcos

Ikinagalak naman ni Gay Jane P. Perez, Pangalawang Puno ng Philippine Space Agency, ang paglahok ng mga batang Pilipino, kasama ang iba pang mga bata mula sa Tsina at ASEAN sa nasabing online dialogue.

Umaasa aniya siyang idudulot ng usaping pangkalawakan ang sustenableng pag-unlad ng buong daigdig at maunlad na pamumuhay ng mga mamamayan.

Sa kabilang dako, sinabi ni Huang Xilian, Embahador ng Tsina sa Pilipinas, na ang kalawakan ay komong pag-aari ng buong sangkatauhan, at ang paggagalugad, pagdedebelop at mapayapang paggamit ng kalawakan ay komong hangarin ng buong sangkatauhan.

Ang naturang diyalogo ay pangunahing ginanap sa Beijing, pero naglagay rin ng mga sub-venue sa mga bansang ASEAN na gaya ng Pilipinas, Brunei, Malaysia, Thailand, Myanmar at Biyetnam.

Kabilang sa mga dumalo sa sub-venue sa Pilipinas ay mga dalubhasa sa larangan ng kalawakan, at halos isandaang estudyante’t guro ng mga pamantasan at kolehiyo ng bansa.

Salin: Ernest

Pulido: Rhio