50 bilyong metro kubikong tubig, pinadaloy sa pamamagitan ng South-to-North Water Diversion Project ng Tsina

 

Ayon sa Ministri ng Yamang-tubig ng Tsina, hanggang kagabi, Enero 7, 2022, sa pamamagitan ng South-to-North Water Diversion Project, mahigit 50 bilyong metro kubikong tubig ang pinadaloy mula sa mga ilog sa katimugan ng Tsina patungo sa kahilagaan ng bansa, kung saan kadalasang nagaganap ang tagtuyot.

 

Ayon pa rin sa nabanggit na ministri, mahigit 140 milyong mamamayan ang nakikinabang sa proyektong ito, at naging mabuti rin ang pamamaraan ng pag-unlad ng kabuhayan sa mahigit 40 malaki at katamtamang-laking lunsod.

 

Editor: Liu Kai
Pulido: Mac Ramos