Sinimulan ngayong umaga, Miyerkules, Marso 9, 2022 ang botohan para sa ika-20 halalang pampanguluhan ng Timog Korea.
Mahigit 44 milyong rehistradong botante ang kalahok sa eleksyon, at ito ay tatagal mula alas-6 ng umaga hanggang alas-6 ng gabi.
Samantala, ayon sa mga naunang sarbey, sina Lee Jae-myung, kandidato sa pagkapangulo ng Democratic Party, at Yoon Suk-yeol, kandidato sa pagkapangulo ng People Power Party ang mga nangunguna.
Ang pangulo ng Timog Korea ay mayroon lamang 5 taong termino, at hindi na muli siya maaaring kumandidato sa parehong posisyon.
Salin: Ernest
Pulido: Rhio