Sarbey ng CGTN: Kabuhayang Tsino, inaasahang magiging makina ng kabuhayang pandaigdig

Ayon sa magkasanib na sarbey ng Think Tank ng China Global Television Network (CGTN) at Chinese Institute of Public Opinion ng Renmin University, Enero 2, 2023, ipinalalagay ng 78.34% ng mga respondiyente sa buong daigdig na ang kabuhayang Tsino ay makina ng pandaigdigang kabuhayan.

Ayon pa rito, naniniwala ang 76.23% ng mga respondiyente na gaganap ng mas malaking papel ang ekonomiya ng Tsina sa pag-unlad sa hinaharap ng kabuhayang pandaigdig, samantalang 71.1% ng mga nakababatang respondiyente ang optimistiko sa patuloy na pag-angat ng ekonomiya ng Tsina.

Ang naturang sarbey ay isinagawa sa 41 bansa na sumasaklaw ng 65.2% ng kabuuang populasyon ng mundo.

Sa kabilang dako, ayon sa pambagong taong mensahe ni Pangulong Xi Jinping ng Tsina, posibleng umabot sa 120 trilyong yuan Renminbi o halos USD$17.39 trilyon ang kabuuang halaga ng produksyong panloob (GDP) ng bansa sa 2022.