Kabuhayang pandaigdig, lalago ng 2.9% sa 2023: kabuhayang Tsino, lalaki ng 5.2% - IMF

Sa news briefing sa Singapore Martes, Enero 31, 2023, inilabas ng International Monetary Fund (IMF) ang sinusugang World Economic Outlook (WEO), kung saan tinatayang lalago ng 2.9% ang kabuhayang pandaigdig sa 2023, at aabot sa 3.1% ang paglago nito sa 2024.

Tinaya rin ng ulat na lalaki ng 5.2% ang kabuhayang Tsino ngayong taon.

Tinukoy ng IMF na nagbunsod ng presyur sa mga ekonimikong aktibidad ang dalawang elemento, isa ay ang pagpapataas ng interest rate ng mga bangko sentral bilang tugon sa implasyon at isa pa ay ang pagtuloy ng sagupaan sa pagitan ng Rusya at Ukraine.

Hinggil dito, tinaya ng WEO, bababa sa 6.6% sa 2023, at 4.3% sa 2024 ang pandaigdigang implasyon, mula 8.8% noong 2022.

Ito ay mas mataas pa rin kaysa halos 3.5% na implasyon bago sumiklab ang pandemiya ng Coronavirus Disease 2019 (COVID-19) mula noong 2017 hanggang 2019.

Salin: Vera

Pulido: Rhio