Pangulong Tsino, nagpaabot ng pakikidalamhati sa pangulo ng Pakistan kaugnay ng suicide bombing

Isang mensahe ng pakikidalamhati ang ipinadala Martes, Agosto 1, 2023 ni Pangulong Xi Jinping ng Tsina kay Pangulong Arif Alvi ng Pakistan, kaugnay ng suicide bombing attack na naganap sa hilagang kanluran ng Pakistan.

Saad ni Xi, kasindak-sindak niyang nalaman ang hinggil sa suicide bombing sa probinsyang Khyber Pakhtunkhwa ng Pakistan na nagdulot ng malaking kasuwalti.

Sa ngalan ng pamahalaan at mga mamamayang Tsino, ipinaabot ni Xi ang malalimang pakikidalamhati sa mga nabiktima, at taos-pusong pakikiramay sa mga nasugatan at pamilya ng mga nasawi.

Diin ni Xi, tinututulan ng panig Tsino ang anumang porma ng terorismo, at mariing kinokondena ang nasabing bombing attack.

Patuloy at buong tatag aniyang susuportahan ng bansa ang pagpapasulong ng Pakistan ng plano sa paglaban sa terorismo, at magkasamang ipagtatanggol ang kapayapaan at katiwasayan ng rehiyon at daigdig.

Nang araw ring iyon, ipinadala naman ni Premyer Li Qiang ng Tsina ang mensahe ng pakikidalamhati sa kanyang Pakistani counterpart na si Shehbaz Sharif.

Salin: Vera

Pulido: Ramil