Isang bilyong yuan na laang-gugulin, inilaan ng Tsina para sa mga biktima ng flood detention basin

Inilaan Miyerkules, Agosto 9, 2023 ng Ministri ng Pananalapi at Ministri ng Yamang Tubig ng Tsina ang isang bilyong yuan RMB (mga 138.8 milyong US Dollar) na pangkagipitang laang-gugulin, para tulungan ang mga mamamayan sa 8 flood detention basin sa hilagang bansa na panumbalikin ang kani-kanilang normal na pamumuhay.

Noong isang linggo, sa epekto ng bagyong Doksuri, nasalanta ng malubhang baha ang hilagang Tsina, bagay na malubhang nakasira sa pananim, produksyon at mga pasilidad na agrikultural.

Naisaoperasyon ang 8 flood detention basin sa munisipalidad ng Tianjin, lalawigang Hebei at lalawigang Henan, para mapahupa ang presyur ng pagkontrol sa baha sa downstream areas.

Ang naturang laang-gugulin ay gagamitin bilang kompensasyon sa kapinsalaang dulot ng baha, dagdag ng mga ministri.

Salin: Vera

Pulido: Ramil