Hari ng Kambodya at Ministrong Panlabas ng Tsina, nagtagpo

Sa pakikipagtagpo, Abril 21, 2024 sa Phnom Penh ni Haring Norodom Sihamoni ng Kambodya kay Ministrong Panlabas Wang Yi ng Tsina, nagpasalamat ang hari sa mga tulong at pagkatig ng Tsina sa pag-unlad ng kabuhayan at lipunan ng kanyang bansa.

Matatag aniyang iginigiit ng Kambodya ang patakarang isang-Tsina, aktibong kinakatigan ang ideya ng komunidad ng sangkatauhan na may pinagbabahaginang kinabukasan, Global Security Initiative, Global Development Initiative, at Global Civilization Initiative na iniharap ni Pangulong Xi Jinping ng Tsina.

Ipinahayag naman ni Wang, na ang Tsina ay mapagkakatiwalaang kaibigan at malakas na katuwang ng Kambodya.

Ang pag-unlad ng Tsina ay nagdudulot aniya ng bagong pagkakataon sa pag-unlad ng Kambodya, at kasama ng Kambodya, nakahandang palakasin ng panig Tsino ang kooperasyon at isakatuparan ang komong pag-unald.

Salin: Ernest

Pulido: Rhio