Mas maraming de-kalidad na opisyal para sa Xinjiang, dapat hubugin – pangulong Tsino

Sa kanyang talumpati sa Ika-70 Anibersaryo ng Programa ng Pagsasanay ng mga Etnikong Opisiyal para sa Xinjiang Uygur Autonomous Region, idiniin kamakailan ni Xi Jinping, Pangkalahatang Kalihim ng Komite Sentral ng Partido Komunista ng Tsina (CPC) at Pangulong Tsino, na dapat humubog ng mas maraming tapat, matuwid, responsable at de-kalidad na opisyal para sa rehiyon.

Aniya, ang naturang programa ay gumaganap ng mahalagang papel para sa paghubog ng mga opisiyal, pagpapasulong ng pag-unlad ng kabuhayan at lipunan, at pangangalaga sa pangmatalagang katatagan at seguridad ng lipunan ng Xinjiang sa loob ng nakaraang 70 taon.

Salin: Ernest

Pulido: Rhio