Ika-2 China International Supply Chain Expo, binuksan sa Beijing

Binuksan Martes, Nobyembre 26, 2024 sa Beijing ang Ika-2 China International Supply Chain Expo (CISCE).

Ipinagkakaloob ng nasabing ekspo ang isang komprehensibong plataporma para sa pag-uugnayang pang-negosyo’t pagkakataon sa pamumuhunan, at pagpapasulong sa kooperasyon ng iba’t ibang industriya.

Sa ilalim ng temang “Connecting the World for a Shared Future,” ipinagdiinan ng ekspo sa taong ito ang konektibidad ng kadena ng suplay, sa pamamagitan ng booth layout at mga sonang pagtatanghal.

Nagtitipun-tipon sa kasalukuyang CISCE ang mahigit 620 kompanya at institusyon, para pasulungin ang inobasyon, kalakalan at pamumuhunan sa ilalim ng ekosistema ng pandaigdigang kadena ng suplay.

Mahigit 60% ng mga eksibitor ay mga Fortune 500 company at pinuno sa industriya.

Tatagal hanggang Nobyembre 30 ang 2024 CISCE.

Salin: Vera

Pulido: Ramil / Lito