Ayon sa ulat ng UN Economic and Social Commission for Western Asia (ESCWA) na ipinalabas kahapon, sapul nang maganap ang krisis ng Syria 1000 araw na nakaraan, patuloy na lumalala ang kalagayan doon.
Mula noong Marso ng 2011, dahil sa krisis, bumaba nang 45% ang GDP ng Syria at 3 milyon sa 5 milyong labor force ay nawalan ng trabaho. Kung tatagal ang sagupaan sa Syria sa 2015, bababa ang lebel ng kabuhayan ng Syria sa antas noong nakaraang 30 taon.
Sinabi kahapon ni Ahmet Ümzücü, Direktor Heneral ng Organisation for the Prohibition of Chemical Weapons (OPCW) na ipapalabas ang plano ng pagwasak ng chemical weapon ng Syria sa susunod na linggo. Aniya, ang tungkuling ito ay isang malaking hamon, kaya, kinakailangan nito ang mahigpit na kooperasyon ng komunidad ng daigdig.
salin:wle