Ibayo pang pagpapasulong sa kapayapaan at pagtutulungan ng Hilaga-silangang Asya, ipinangako ng Tsina, Hapon, at T. Korea

(GMT+08:00) 2015-11-02 09:35:17 CRI

Seoul, kabisera ng Timog Korea--Idinaos dito kahapon ang Ika-6 na Pulong ng mga Lider ng Tsina, Hapon at Timog Korea. Lumahok dito sina Premyer Li Keqiang ng Tsina, Punong Ministro Shinzo Abe ng Hapon at Pangulong Park Geun-hye ng Timog Korea. Makaraan ang kanilang pagtatagpo, isang magkasanib na pahayag ang ipinalabas ng tatlong lider hinggil sa magkakasamang pagpapasulong sa kapayapaan at pagtutulungan ng Hilaga-silangang Asya.

Pagtatagpo, nanumbalik pagkaraan ng 3 taon

Ang katatapos na pulong ng nasabing tatlong bansa ay napanumbalik pagkaraan ng 3 taon. Ayon sa Pahayag, ito ay nagpapakita ng komprehensibong pagpapanumbalik ng pagtutulungan. Ipinagdiinan din ng Pahayag ang pangangailangan sa pagbabago sa mga kontradiksyon sa pagitan ng pag-asa sa isa't isa ng tatlong bansa sa larangang pangkabuhayan at tensyon sa kaligtasang pulitikal. Ipinasiya rin nilang ibayo pang pasulungin ang kanilang mahigit 50 mekanismo ng pagsasangguniang pampamahalaan na kinabibilangan ng mahigit 20 mekanismo sa antas na ministeryal. Kasabay nito, itatatag din nila ang bagong mekanismo ng pagsasangguniang pampamahalaan.

Pagtutulungang pangkabuhayan

Upang magkakasamang mapasulong ang pagtutulungang pangkabuhaya't pangkalakalan at makalikha ng mas magandang kapaligiran para sa kalakalan at pamumuhunan, inulit ng tatlong bansa ang pangangailangan sa pagpapabilis ng talastasan sa pagtatatag ng Malayang Sonang Pangkalakalan ng Tsina, Hapon, at T. Korea.

Pagpapalitang di-pampamahalan

Ipinalalagay ng Pahayag na ang people-to-people exchanges sa pagitan ng tatlong bansa ay naglalatag ng matibay na pundasyon para sa pag-uunawaan. Ipinasiya nilang ibayo pang palawakin ang pagpapalitan at pagtutulungang di-pampamahalaan.

Pagpapasulong ng kapayapaan at kasaganaang panrehiyon at pandaigdig

Upang mapangalagaan ang kapayapaan at kasaganaang panrehiyon at pandaigdig, buong pagkakaisang tinututulan ng tatlong bansa ang pagdedebelop ng sinumang panig ng sandatang nuklear sa Korean Peninsula. Ipinangako rin nilang magkakasamang magsisikap para mapanumbalik ang talastasan ng anim na may-kinalamang bansa hinggil sa isyung nuklear ng Korean Peninsula.

Bilateral na pag-uusap

Nauna rito, magkahiwalay na nagkaroon ng mga bilateral na pag-uusap sa pagitan nina Premyer Li at Punong Ministro Abe, at pag-uusap sa pagitan nina Premyer Li at Pangulong Park.

Sina Premyer Li Keqiang (sa kanan) ng Tsina, Punong Ministro Shinzo Abe ng Hapon (sa kaliwa) at Pangulong Park Geun-hye (sa gitna) ng Timog Korea habang lumalahok sa Ika-6 na Pulong ng mga Lider ng tatlong bansa. Nov. 1, 2015. (Xinhua/Liu Weibing)

Mga delegasyon mula sa Tsina (sa gitna), Timog Korea (sa kaliwa), at Hapon (sa kanan) sa kanilang Ika-6 na Pulong ng mga Lider. Nov. 1, 2015. (Xinhua/Huang Jingwen)

Tagapag-salin/Tagapag-edit: Jade

Tagapagpulido: Rhio

May Kinalamang Babasahin

Li Keqiang

v Summit ng Tsina, Timog Korea, at Hapon, natapos: magkasanib na preskon, idinaos 2015-11-02 09:14:19
v Premyer Tsino at Ispiker ng National Assembly ng Timog Korea, nagtagpo 2015-11-01 13:45:02
v Mga lider ng Tsina at Timog Korea, nag-usap 2015-11-01 11:47:11
v Premyer Tsino, nagsimulang dumalaw sa T.Korea 2015-10-31 15:05:37

Comments

Nagbabagang Paksa

Kompetisyon ng Talento at Kakayahan para sa mga Tagasubaybay sa Buong Daigdig

Pinakahuling Balita

v E-commerce ng Tsina, positibong oportunidad para sa mga produktong Pilipino 11-12 13:05

v Pagbubukas at pag-unlad ng distrito ng Pudong, Shanghai, maaaring matutunan ng Pilipinas – Embahador Jose Santiago Sta. Romana 11-11 16:19

v Xi Jinping: Pag-unlad ng Tsina at daigdig, hindi dapat paghiwalayin 11-10 21:12

v Xi Jinping, lubos na pinahahalagahan ang inklusibo at sustenableng pag-unlad 11-10 19:45

Napiling Artikulo

• Louis Marquez: Shenzhen, magiging lider sa teknolohiya sa buong mundo; pamumuhay sa lunsod, isang biyaya-Mga Pinoy sa Tsina

• Bagong semestre, nagsimula; mga DIY na regalo mula sa mga mag-aaral, inihandog sa mga gurong Pilipino sa Shanghai

• Bong Antivola: 2020 CIFIT hudyat sa kahanga-hangang pagbangon ng Tsina sa gitna ng pandemiya; mamumuhunang Tsino malaki ang interes sa pakikipagkooperasyon sa Pilipinas

• Dandy Menor: 19 na taong paninirahan sa Shenzhen, di mapapantayan-Mga Pinoy sa Tsina

More>>

SMS sa CRI sa 09212572397

6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.

6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.

92041552XX: Happy Easter sa buong staff ng Filipino Service!

6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.

6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.

More>>