Ipinatalastas kahapon, Huwebes, ika-30 ng Marso 2017, ni Tagapagsalita Sean Spicer ng White House, ang iskedyul ng pagtatagpo nina Pangulong Donald Trump ng Amerika at Pangulong Xi Jinping ng Tsina, na gagawin mula ika-6 hanggang ika-7 ng susunod na buwan, sa Mar-a-Lago, Florida.
Sinabi ni Spicer, na sa pagtatagpo, magpapalitan ng palagay ang dalawang lider, hinggil sa kani-kanilang mga priyoridad na gawain. Itatakda aniya nila ang landas ng pag-unlad ng relasyon ng dalawang bansa.
Sinabi rin ni Spicer, na ang naturang pagtatagpo ay isa ring pagkakataon, para palakasin nina Trump at Xi ang kanilang pribadong relasyon.
Salin: Liu Kai