Beijing, Tsina—Nakatakdang ganapin alas-10 ng umaga bukas, Marso 8, 2018, ang preskon ni Ministrong Panlabas Wang Yi ng Tsina sa idinaraos na taunang sesyong plenaryo ng Ika-13 Pambansang Kongresong Bayan (NPC), punong lehislatura ng bansa.
Magsasagawa ang China Radio International (CRI) ng live broadcast sa gaganaping preskon, sa pamamagitan ng wikang Ingles at wikang Tsino, sa iba't ibang plataporma ng nasabing dalawang lingguwahe.
Mababasa rin ang mga may kinalamang pinakasariwang balita sa wikang Filipino sa mga website at Facebook page nito. Kasabay nito, mababasa rin ang mga pinakahuling balita sa ibang walong wika ng CRI na gaya ng wikang Tsino, wikang Ingles, wikang Hapones, wikang Koreano, wikang Arabic, wikang Ruso, wikang Pranses, at wikang Espanyol, sa pamamagitan ng mga website; social media; at mga APP.
Mapapakinggan at mababasa rin ang mga may kinalamang balita sa mga APP na gaya ng ChinaNews, ChinaRadio, at ChinaTV; at China International Broadcasting Network (CIBN) online TV.
Salin: Jade