Sa preskong naganap kahapon, Martes, ika-30 ng Hulyo 2019, sa Beijing, ipinahayag ni Shohrat Zakir, Tagapangulo ng Rehiyong Awtonomo ng Uygur ng Xinjiang ng Tsina, na ang mga vocational education and training center sa Xinjiang ay tumatakbo alinsunod sa may kinalamang batas at prinsipyong bukas at transparent.
Sinabi ni Zakir, na ang mga tauhang sapilitang lumahok sa mga teroristikong aksyon o grabeng apektado ng ekstrimistikong ideolohiya ay ipinasasailalim sa pagtuturo at pagsasanay sa naturang mga sentro. Aniya, layon nitong tulungan sila para bumalik sa tamang landas, magkaroon ng kasanayan sa pagtatrabaho, at muling lumahok sa lipunan. Dagdag ni Zakir, nitong isang taong nakalipas, libu-libong mamamahayag, diplomatang dayuhan, at personaheng panrelihiyon mula sa iba't ibang lugar ng daigdig ang bumisita sa naturang mga sentro, at positibo sila sa mga gawain dito.
Sinabi naman ni Erkin Tuniyaz, Pangalawang Tagapangulo ng naturang rehiyong awtonomo, na sa mga education and training center, iginagarantiya ang kalayaang personal, kalayaan sa pananampalataya, at karapatan sa paggamit ng sariling wika. Puwede rin silang bumalik sa kanilang bahay at doon isagawa ang mga lehitimong aktibidad na panrelihiyon, dagdag ni Tuniyaz. Aniya pa, ang pagtatatag ng mga sentrong ito ay hakbangin bilang tugon sa mga malalim na isyu ng terorismo at ekstrimismo.
Salin: Liu Kai
