Beijing Foreign Studies University, nagbukas ng kurso sa wikang Filipino

Nagsimula nitong ika 15 ng Marso sa Beijing Foreign Studies University ang kauna-unahang kurso sa wikang Filipino. At ang guro ay walang iba kundi si Jade Xian, Direktor ng Serbisyo Filipino ng Radyo Internasyonal ng Tsina.

Sa unang klase niya sa Beijing Foreign Studies University o kilala sa tawag na BeiWai, dalawampu ang bilang ng mga estudyante. Ang Filipino ay isa mga pagpipiliang kurso para sa foreign language requirement ng mga mag-aaral dito.

Si Wang Le Fan ay kasalukuyang kumukuha ng wikang Bulgaria. Hilig niya ang pag-aaral ng iba't ibang kultura ng daigdig. Gustong niyang mag-aral ng Filipino para mas makilala ang kultura ng Pilipinas.

Si Han Zhao naman ay hindi language major, siya ay kumukuha ng Finance ng International Business Institute. Bukod sa wikang Tsino, gusto niyang dagdagan ang mga wikang alam niya dahil mahilig siyang magbyahe.

Si John or Zhu Yi Xuan naman ay Russian Major at nagka-interes dahil ang tinging niya sa Pilipino ay mababait na mga tao.

Sa kalagitnaan ng klase ginanap din ang isang simple ngunit makabuluhang seremonya, para pormal na ilunsad ang kurso. Dumalo rito sina H.E. Erlinda F. Basilio, Ambassador ng Pilipinas sa Tsina, Prof. Sun You Zhong, Vice President ng BFSU, Sun Xiao Meng, Dean ng School of Asian and African Studies at mga guro ng unibersidad.

Nagbigay ng pambungad na pananalita si Prof. Sun You Zhong, at sinabing ang pagkakaroon ng kurso sa Filipino ay nagpapataas sa katayuan ng BFSU pagdating ng pagtuturo ng wikang dayuhan sa Tsina. Pinasusulong nito ang pananaliksik tungkol sa Pilipinas. Dagdag niya, "Ang Pilipinas ay mahalagang bahagi ng "One Road, One Belt Initiative" ng Tsina, at lilikhain nito ang pagkakataon para sa Tsina na isagawa ang komprehensibong pakikipagtulungan sa mga kapitbansa."

Sa kanyang mensahe, sinabi naman ni Amb. Erlinda Basilio na makabuluhan ang pagsisimula ng klaseng ito, at maituturing na isang "highlight" sa pagdiriwang ngayong taon ng ika-40 anibersaryo ng pagkakatatag ng diplomatikong relasyon ng Tsina at Pilipinas.

Ipinangako ni Amb. Basilio ang buong suporta ng Pasuguan ng Pilipinas sa BFSU at sa hinaharap sinabi niyang ito'y magiging katuwang para dagdagan at mas palawigin ang kaalaman ng mga estudyante ng BFSU hinggil sa Pilipinas at mga Pilipino.

Pakinggan natin ang iba pang detalye ng paglulunsad sa programang Mga Pinoy sa Tsina.

Si Amb.Basilio habang kinakapanayam ni Mac Ramos. Sinabi niyang ang ugnayan ng mga mamamayan ang siyang bigkis sa pagitan ng mga bansa. Ang pagpapalitang-kultural tulad ng pag-aaral ng wika ay mahalaga sa pagpapaigting ng pagtitiwalaan, komunikasyon at pag-uunawaan sa pagitan ng Tsina at Pilipinas.

Ayon kay Prof. Sun You Zhong, ang pagkakaroon ng kurso sa Filipino ay nagpapataas sa katayuan ng BFSU pagdating ng pagtuturo ng wikang dayuhan sa Tsina. Pinasusulong nito ang pananaliksik tungkol sa Pilipinas.

Kung pwede gustong dumalo ni Wang Le Fan sa aktibidad ng Philippine Embassy, sa palagay niya maari siyang makatulong sa pagpapabuti ng relasyon ng dalawang bansa.  Ibibigay niya ang  makakaya para sa pagkakaibigan ng mga Tsino at Filipino.

Si Han Zhao naman ay hindi language major, siya ay kumukuha ng Finance ng International Business Institute. Gusto niyang dagdagan ang mga wikang alam niya dahil hilig niya ang magbyahe.

Si Zhu Yixuan ay matatas na sa wikang Ruso. Gusto niyang pag-aralan ang Filipino dahil interesado siya sa Pilipinas.

Si Jade Xian, guro ng unang kurso sa wikang Filipino ng BFSU