Mga banyagang nasa Pilipinas, kailangang magpakita sa Bureau of Immigration
INUTUSAN ng Bureau of Immigration and mga banyagang magtungo sa kanilang tanggapan mula Enero ng 2014 hanggang sa huling araw ng Pebrero upang makapanatili sila ng legal sa bansa.
Nilagdaan ni Commissioner Siegfred Mison ang isang memorandum circular SBM 2013-007 na nagsasaad na ang lahat ng mga banyagang naninirahan sa bansa ay nararapat mag-ulat at magpakita sa mga tanggapan ng Bureau of Immigration sa unang 60 araw ng bawat taon. Pagtalima umano ito sa Section 10 ng Republic Act 562 na may pamagat na Alien Registration Act.
Kabilang sa mga layunin nito ang pagpapatupad sa national security, public safety at public order.
Nararapat dalhin nila ang kanilang ACR Icard o sipi ng ACR at mag bigay ng application form na makukuha sa website ng tanggapan (www.immigration.gov.ph). Maaari ding kumuha ng application form sa lahat ng tanggapan ng Bureau of Immigration. Nararapat ding magbayad ng P 310 bahagi ng requirements.
Pinagbabawalan ang travel agencies, law firms at iba pang tanggapan na maikipagtransaksyon sa Bureau of Immigration sa ngalan ng mga banyaga liban sa exceptions na nakasaad sa Memo Circular SBM 2013-002.
Ang mga banyagang wala pang 14 na taong gulang o may 65 taong gulang, may kapansanan sa pag-iisip, nasa piitan o nasa pagamutan ay 'di nakailangang magtungo sa Bureau of Immigration. Ang makakapagpakita ng prueba ng physical incapability na magtungo ng personal sa tanggapan ay maaaring magpadala ng kinatawan.
1 2 3 4 5 6
