Sama ng panahon, nadarama pa sa Mindanao at Kabisayaan
BAGAMA'T ibinaba na ang lahat ng typhoon signals sa katimugang bahagi ng Pilipinas, nagsilikas pa rin ang mga biktima ng walang humpay na pag-ulan at pagbaha na kinatampukan din ng pagguho ng lupa. Marami ring biyahe ng eroplano ang hindi natuloy.
Isinailalim sa state of calamity ang Agusan del Norte ngayon. Kanselado ang mga eroplanong patungong Butuan City dahilan sa sama ng panahong dala ng tropical depression na si Agaton na may international code name Lingling.
Ayon sa Philippine Information Agency, pinakamataas na pagbaha ang naitala sa Butuan sa pagtaas ng tubig na 4.2 meters sa ilang bahagi ng Agusan River. Nagkaroon din ng forced evacuations sa Surigao del Sur.
Lumabas din sa iba't ibang media outlets na ang ilang pook na apektado ni "Yolanda" ay tinamaan din ng tuloy-tuloy na pag-ulan. Libu-libong mga naninirahan sa mga tolda ang kinailangang ilikas dahilan sa pagbaha.
May mga tolda sa Guian, Eastern Samar ang nagiba dahilan sa ulan. Mas maraming nawalan ng tahanan ngayon kaysa mga tinamaan ng tsunami noong 2004 ayon sa mga opisyal ng non-government organizations tulad ni Justin Morgan, country director ng Oxfam ng United Kingdom.
Ani G. Morgan, tatlo na lamang sa 32 evacuation center ang nananatiling nakatayo.
1 2 3 4 5
