Dalawang Tsino at isang Filipino, nadakip sa hiwalay na operasyon
UMABOT sa P 15 milyong halaga ng shabu o methamphetamine hydrochloride, ang nasamsam sa hiwalay na oeprasyon mula sa sinasabing mga Tsinong nagtitimpla nito at isang pusher ng mga tauhan ng pamahalaan noong nakalipas na Sabado.
Nadakip ng mga ahente ng PDEA at Philippine National Police ang dalawang Tsino at isang taga-Tondo sa Malate noong Sabado samantalang may mga dalang shabu.
Ang sinasabing mga "chemists" ay kinilalang sina Dominador Enresmo na may alias na Antonio Lee, 58 taong gulang na taga-Guandong, Tsina at isang Sung Wai Bing alias "Alex Ty Antes" na taga-Hong Kong. Nadakip sila sa isang entrapment operation sa El Soriente Hotel noong Sabado.
Ayon kay Director General Arturo G. Cacdac, Jr. matagal nang hinahanap ang dalawang kabilang sa talaang napapaloob sa "Operation Plan: Bismuth Crystal."
Sinalakay ng mga alagad ng batas ang Room 409 ng El Soriente Hotel sa panulukan ng J. Bocobo at Flores Streets sa Barangay 670. Nasamsam sa kanila ang dalawang zip-lock plastic bags na may putting mala-kristal na pulbos na pinaniniwalaang shabu na may dalawang kilo at cash na nagkakahalaga ng P1,300 at boodle money na nagkakahalaga ng P 800,0000 at dalawang pirasong P 1,000.
Pinaniniwalaang sangkot ang dalawa sa laboratoryong nadiskubre sa Masbate noong Valentine's Day.
Matapos ang ilang oras, nadakip naman si Sherwin de Ocampo na nagbibili ng humigit kumulang na isang kilong shaby sa Arellano at Zapanta Streets sa Malate, Maynila. Na sa piitan na ng PDEA si de Ocampo. Ipagsasakdal ang mga nadakip ng paglabag sa mga batas ng Pilipinas laban sa illegal na droga.
1 2 3 4 5
