Mahalaga ang pagsugpo sa katiwalian
KUNG hindi mapipigil ang mga katiwalian sa lipunan, madaragdagan ang mahihirap at masasagkaan ang anumang kaunlaran.
Ito ang sinabi ni G. Jesus Estanislao, dating Finance Secretary sa pananghalian kasama ang APEC Senior Officials sa "Islands of Good Governance," na hindi sapat na labanan ang katiwalian. Magiging mabisa ito kung magsasma ang daigdig ng kalakal at pamahalaan.
Masama ang idinudulot ng katiwalian sapagkat nawawala ang pagtitiwala ng mga mamamayan sa pamahalaan at nagiging daan upang higit na maghirap ang taongbayan.
Kailangang maging pangmatagalan ang kampanya at magsama ang private at public sectos. Hindi lamang malilinis ang lipunan bagkos ay makapagbabalik ng tiwala ng mga mamamayan sa lipunan at pamahalaan.
Ilalabas na umano ng kanilang samahan ang pag-aaral na kumilala sa 50 nangungunang publicly listed companies na tumugon sa mataas na pamantayang itinalaga ng Oganisation for Economic Cooperation and Development.
May 11 sa mga korporasyong ito ang mula sa Pilipinas at apat sa labing-isa ay pag-aari ng isa sa mga kasapi ng APEC Business Advisory Council sa katauhan ni Don Fernando Zobel de Ayala.
Ang kanilang pagkilos bilang isang samahan ay nagmula noong naganap ang Asian financial crisis at nagsanib ang corporate governance at pamahalaan upang tumingkad ang pagkakaroon ng shared responsibility.
Walang mararating ang public sector kung hindi kasama ang kalakal at civic sector na siyang magbabantay sa mga magaganap sa lipunan. Sa larangan ng mga pamahalaang lokal, nanguna ang Balanga sa Bataan, sa Mandaue sa Cebu at sa Talisay sa Negros Island at natamo ng Butuan at Dipolog cities ang parangal.
Sa larangan ng pamahalaan, nanguna ang Philippine Heart Center, and Department of Trade and Industry, ang Armed Forces of the Philippines, ang Philippine Army at Philippine Air Force.
Kung government-owned and controlled corporate, nanguna naman ang National Electrification Administration at ang Bangko Sentral ng Pilipinas.
Idinagdag pa ni G. Estanislao na umaasa siyang sa susunod na pagkakataong maging punong abala ang Pilipinas sa APEC, hindi na lamang "Islands of Governance" ang bibigyang-pansin kungdi ang buong kapuluan.
1 2 3 4 5
