Senador Drilon, pinangaralan si Atty. Salvador Panelo ng Malacanang
TAMA ANG GINAWA NG KORTE SUPREMA. Ito ang pahayag ng Integrated Bar of the Philippines na pinamumunuan ni Atty. Rosario T. Setias-Reyes bilang tugon sa ginawang pagbubunyag ng mga hukom na umano'y sangkot sa illegal drugs. Nanawagan sila sa ehekutibo na ipadala ang mga impormasyon sa mga hukom na umano'y sangkot sa ilegal na gawain upang masiyasat kaagad. Ang IBP ay samahan ng may52,000 mga abogado sa bansa. Kabilang sa mga kasapi ng IBP si G. Duterte. (IBP File Photo)
HINDI mawari ni Senate President Pro-Tempore Franklin M. Drilon kung anong Saligang Batas ang pinagbababasa ni Presidential Legal Counsel Salvador Panelo na nagsabing ang lawak ng problema sa droga ay maaaring mangailangan ng Martial Law.
Ani Senador Drilon, kahit na ang mga college of law freshmen ay madaling maibabasuea ang sinabi ni Atty. Panelo. Hindi umano mabatid ni G. Drilon kung anong saligang batas ang natutuhan ni G. Panelo sa college of law sapagkat dadalawang dahilan lamang ang magagamit sa pagdedeklara ng batas militar, ang panakop ng ibang bansa at paghihimagsik. Hindi kailanman kabilang ang problema sa droga.
Sa mga panayam, sinabi ni G. Panelo na ang lawak ng problemang dulot ng droga ang nakarating na sa crisis proportion at maaaring magamit ang probisyon sa Saligang Batyas na makapagdedeklara ang pangulo ng Batas Militar.
Pinapaniwala ni G. Panelo ang madla na mapahihintulutan ng Saligang Batas ang pangulong magdeklara ng Martial Law hindi lamang sa pananakop ng ibang bansa at rebelyon kungdi sa oras na magkaroon ng pangangailangan sa public safety.
1 2 3 4
