Barko ng Russia, dumalaw sa Maynila
ISANG barkong pandigma ng Russia ang dumaong sa Maynila kaninang umaga para sa isang maritime exercise kasama ang Philippine Navy.
Ang barkong Admiral Tributs, isang malaking barkong panglaban sa mga submarino at isang malaking sea tanker na may pangalang Boris Butoma ang dumating sa South Harbor kanina.
Ibinalita sa media na ang mga barko ng Russia ay nasa Pilipinas para sa isang "goodwill visit."
Ipakikita ng mga magdaragat na Russo ang kanilang gamit at kakayahan sa darating na Huwebes.
Nabanggit na ni Pangulong Rodrigo Duterte na nais niyang maging malapit na kaibigan ang Russia bilang pagpapatunay sa kanyang independent foreign policy.
Naibalita ni Defense Secretary Delfin Lorenzana na nag-alok ang Russia na magbili ng isang submarino kasama ang mga drone upang mapalakas ang modernization program ng sandatahang lakas.
Pinag-aaralan ng Department of Nationala Defense ang pagbili ng drones at sniper rifles mula sa Russia.
Nakausap na ni Secretary Lorenzana si Alexander Fomin, director ng Federal Service for Military Technical Cooperation ng Russian Federation sa Moscow upang alamin ang mga mapagkakasunduan sa Russia.
Nakaharap na rin ni Foreign Affairs Secretary Perfecto R. Yasay, Jr. ang kanyang Russian counterpart upang mapaunlad ang relasyon ng dalawang bansa.
1 2 3 4 5
