Tsina, nagbayad ng buong UN peacekeeping assessments bilang pagpapatupad sa multilateralismo

2021-10-12 10:04:45  CMG
Share with:

Ipinahayag kamakailan ni Ambahador Zhang Jun, Pirmihang Kinatawan ng Tsina sa United Nations (UN) na nagbayad na ang bansa ng buong kasalukuyang UN peacekeeping assessments.

 

Kaugnay nito, sinabi ni Zhao Lijian, Tagapagsalita ng Ministring Panlabas ng Tsina na bilang pinakamalaking umuunlad na bansa, pirmihang miyembro ng UN Security Council, ikalawang pinakamalaking tagapag-ambag para sa regular na budget at peacekeeping assessments ng UN, laging nagbabayad ang Tsina ng naturang budget at pondo, bilang pagtupad sa mga obligasyong pinansyal sa UN.

 

Ang pagbayad ng Tsina kamakailan ng buong assessments para sa misyong pamayapa ng UN sa naka-mandatong panahon bago mag-Disyembre 31, 2021 na itinakda ng Security Council ay nagpapakita ng pagtupad ng multilateralismo at pagsuporta sa UN, diin ni Zhao.  

 

Ang taong 2021 ay ika-50 anibersaryo ng pagpapanumbalik ng Tsina ng pambatas na katayuan sa UN. Hinding hindi nagbabago ang paniniwala ng Tsina sa buong-tatag na pagkatig ng pandaigdigang sistema kung saan nasa sentro ang UN at makabuluhang papel ng UN sa mga suliraning pandaigdig, dagdag pa ng tagapagsalitang Tsino.

 

Tsina, nagbayad ng buong UN peacekeeping assessments bilang pagpapatupad sa multilateralismo_fororder_VCG111336692070!sw800

Ang ika-19 na grupong medikal ng Tsina na nakatagala sa Lebanon para sa misyong pamayapa ng UN habang nagtuturok ng bakuna laban sa COVID-19 sa iba pang mga miyembrong pamayapa sa naturang bansa mula sa Pilipinas, Cambodia, Nepal, Indonesia, Brazil, at iba pa. Larawang kuha Hunyo 28, 2021. 

 

 

Salin: Jade

Pulido: Mac 

Larawan: CFP

Please select the login method