Bird's Nest, sasalubungin muli ang Olympic flame

Ang National Stadium ng Tsina, o kilala rin bilang Bird’s Nest, ay tinatawag na dakilang likhang-sining ng “ika-4 na henerasyon ng gymnasium.”

Matatagpuan sa katimugan ng Olympic Green ng Beijing, ang Bird’s Nest minsan’y pangunahing stadium ng 2008 Beijing Olympic Games, at gaganapin dito ang mga seremonya ng pagbubukas at pagpipinid ng Beijing 2022 Olympic Winter Games.

Ang Bird’s Nest ay magkakasamang idinesenyo ng mga arkitektong Swiss na sina Jacques Herzog at Pierrede Meuron, at arkitektong Tsino na si Li Xinggang. Ang anyo nito ay parang isang pugad, na sumisimbolo sa pananabik ng sangkatauhan sa kinabukasan.

Perpektong pinag-isa ng arkitekturang ito ang hollow out style sa tradisyonal na kultura ng Tsina, mga linya ng porselana, luningling ng pula, at pinakamodernong disenyo ng estrukturang asero.

Salin: Vera
 

Pulido: Mac