Putin, hindi sang-ayon sa “China Threat Theory”

Sa kanyang paglahok sa "Russia Calling" invest forum na idinaos kahapon ng Vnesheconombank (Bank for Development and Foreign Economic Affairs), sa kauna-unahang pagkakataon, ibinahagi ni Pangulong Vladimir Putin ng Rusya ang kanyang palagay hinggil sa China Treat Theory.
 

Sinabi ni Putin na ang Tsina ay isang bansang may mahigit 1.4 na bilyong mamamayan, na may kapangyarihang pumili ng sariling landas na pangkaunlaran at pangalagaan ang sariling bansa. Aniya, kung mabilis na umuulad ang kabuhayan ng Tsina, natural lamang na uunlad din ang puwersang pandepensa ng bansa. Hindi ikinababahala ng Rusya ang kaunlarang pandepensa ng Tsina, umabot na sa napakataas na lebel ang relasyong Sino-Ruso at umaasa siyang magiging mas malalim at mas mayaman ang kooperasyon ng Rusya at Tsina sa hinaharap at makikinabang dito ang mga mamamayan ng dalawang bansa. 

Salin: Sissi

Pulido: Mac