CMG Komentaryo: Kilos ng ilang pulitikong Amerikano, parumi nang parumi

Ayon sa ulat, isinasaalang-alang ng Kagawaran ng Estado ng Amerika ang pagpapabalik sa mga diplomatang Amerikano at kanilang mga kaanak mula sa Tsina.
 

Ito ay dahil sa “mahigpit” na hakbangin ng Tsina sa pagpigil sa pandemiya ng Coronavirus Disease 2019 (COVID-19).
 

Di-kukulangin sa 10 araw lang at bubuksan na ang 2022 Olympic Winter Games.
 

Layon ng ganitong kilos ng mga pulitikong Amerikano na siraan ang mga patakaran ng Tsina sa pagpigil sa pandemiya, ilagay ang hadlang sa Beijing Winter Olympics, at ibayo pang pukawin ang pagkakawatak-watak at komprontasyon.
 

Nagiging parumi nang parumi ang mga kilos ng ilang pulitikong Amerikano.
 

Ang Beijing Winter Olympics ay isang arena para sa makatarungang kompetisyon ng mga atleta ng iba’t-ibang bansa, at ito rin ay simbolo ng pagkakaisa at pagkakaibigan ng sangkatauhan.
 

Ito ay hindi kailanman entablado para sa mga pulitikong Amerikano.
 

Ang panggugulo ng ilang pulitikong Amerikano ay hinding-hindi makakaapekto sa pagsuporta at pananabik ng komunidad ng daigdig sa Beijing Winter Olympics.
 

Hangad ng Tsina na sundin at koordinahin ng panig Amerikano ang mga tadhana ng Tsina sa pagpigil sa pandemiya, maingat na isaalang-alang ang umano’y pagbibigay-awtorisasyon sa pag-urong ng mga diplomata, at itigil ang pagsasapulitika ng palakasan.
 

Salin:Vera
 

Pulido: Rhio