Lider ng Hamas, nasawi sa air raid ng tropang Israeli sa Beirut

Ayon sa ulat ng Lebanese media, Enero 2, 2024, sinalakay nang araw ring iyon ng drone ng Israel ang tanggapan ng Islamic Resistance Movement o Hamas sa timog kanugnog ng Beirut, kabisera ng Lebanon.

Nasawi rito ang 6 na katao na kinabibilangan ni Saleh al-Arouri, Pangalawang Puno ng Hamas.

Kinondena Martes ni Punong Ministro Najib Mikati ng Lebanon ang nasabing pagsalakay, at nanawagan siya sa komunidad ng daigdig na itigil ang aksyong mapanalakay ng Israel.

Sa panayam ng medyang Tsino, sinabi ng kaukulang personahe ng Hamas na ipinaalam na ng Hamas sa mga panig ng mediyasyon na gaya ng Qatar at Ehipto ang pagpapa-freeze ng anumang talastasan sa Israel.

Pagkaganap ng pangyayaring ito, walang direktang komento ang pamahalaan at panig militar ng Israel tungkol sa nasabing air raid.

Pero sinabi sa isang panayam ni Tagapagsalita Daniel Hagari ng Israel Defense Forces na patuloy na bibigyang-dagok ng panig Israeli ang Hamas, at handang handa na ito para harapin ang anumang kondisyon.

Salin: Vera

Pulido: Ramil