Dan Osillos: FinCh at mga Pinoy sa Fujian

Matapos ang anim na taong pagtatrabaho bilang designer ng bags sa Pilipinas, tinanggap niya ang alok ng ipagpapatuloy ang trabaho sa bayan ng Quanzhou sa lalawigang Fujian. Labingtatlong taon makalipas, si Dan ay nasa Tsina pa rin. At siya ay isa sa mga pinuno ng Filipinos in China o FinCh, samahan ng mga kababayang nagtatrabaho sa bahaging ito ng Fujian. Sa panayam ni Mac Ramos para sa programang Mga Pinoy sa Tsina ibinahagi niya ang pagiging proud sa pagpapahalaga ng Jinjiang kay Jose Rizal. Kinikilala ng mga taga rito ang lahing Tsino ng bayani at itinayo ang limang hektaryang Rizal Shrine na may 18 metrong taas na replica ng monumento nito sa Luneta. Bukod dito, nagsisilbing paalala sa kanya at mga Pinoy na nasa Fujian ngayon na laging ipakita ang pinakamagandang ugali ng mga Pilipino. Aniya dapat laging ipakita ang best bilang mga dayuhan.

Sa tulong ng FinCh nagkakakilala at nabubuklod-buklod ang mga Pinoy. Marami silang aktibidad tulad ng welcome party, sports fest at year-end gathering. Dahil matagal na sa Tsina, isa si Dan sa mga laging takbuhan ng mga Pinoy na nalalagay sa alanganin kaya paalala niya siguruhing legal ang mga papeles bago magpunta sa Tsina.

Hilig din ni Dan ang photography. Kasama ang kapwa Pinoy ilang beses na rin silang nagsasama-sama para sa mga photo walks. At isa sa kanyang lugar na nagustuhan ay ang Botanical Garden ng Xiamen. Sa mata ng isang photographer, marami ang pwedeng niyang magawa.

Pakinggan ang buong panayam ni Dan Osillos sa programang Mga Pinoy sa Tsina.

Si Dan Osillos

Kinapayanam si Dan ni Machelle Ramos, mula sa Filipino Service ng CRI.

Xiamen Botanical Garden

Xiamen Botanical Garden

Mga miyembro ng "Filipinos in China" (FinCh) na dumalo sa Independence Day Celebration sa Xiamen