Mula kagabi hanggang kaninang umaga, local time, muling nagdaos ng demonstrasyon sa iba't ibang lugar ng Ehipto ang mga tagasuporta ni dating Pangulong Mohamed Morsi.
Ang aktibidad na ito ay sa ilalim ng pagtataguyod ng National Coalition for Supporting Legitimacy na pinamumunuan ng Muslim Brotherhood. Hiniling ng mga demonstrador na ibalik si Morsi sa kanyang tungkulin, at ibalik din ang kalayaan at karangalang ipinagkait ng kudeta.
Samantala, ayon sa ulat ng Al Jazeera TV, ipinasiya na ni Pangulong Barack Obama ng Estados Unidos na ipadala ang dalawang beteranong senador na sina John McCain at Lindsey Graham sa Ehipto sa susunod na linggo para makipag-usap sa mga lider ng panig militar at kinatawan ng iba't ibang paksyon. Ipinahayag naman ni Graham, na sasabihin niya ang panig militar ng Ehipto na dahil sa kanilang pagsugpo sa mga demonstrador, mukhang isang kudeta ang naganap na pangyayari sa bansang ito. Mananawagan din aniya siya sa panig militar na mabilis na pasulungin ang transisyon, at idaos ang pambansang halalan sa lalong madaling panahon.
Salin: Liu Kai
