Sa symposium na idinaos kahapon, Biyernes, ika-31 ng Marso 2017, ng Center for Strategic and International Studies, think tank ng Amerika, ipinahayag ni J. Stapleton Roy, dating embahador ng Amerika sa Tsina, ang malaking pag-asa sa pagtatamo ng positibong bunga ng gagawing pagtatagpo nina Pangulong Xi Jinping ng Tsina at Pangulong Donald Trump ng Amerika.
Sinabi ni Roy, na sa pamamagitan ng naturang pagtatagpo, mapapalalim nina Xi at Trump ang pag-unawa sa isa't isa. May pag-asa aniyang itatatag ng dalawang panig ang relasyong makakatulong sa magkasamang pagharap sa iba't ibang isyu.
Iminungkahi rin ni Roy, na sa pagtatagpo, kailangang talakayin ng dalawang pangulo, hindi lamang ang mga isyung may kinalaman sa komong interes ng Amerika at Tsina, kundi rin ang mga pagkakaiba ng dalawang bansa. Aniya, kung isasagawa ng dalawang panig ang pamamaraan ng paggalang sa isa't isa, matatamo nila ang progreso sa mga napakahirap na isyu.
Salin: Liu Kai