|
||||||||
|
||
Manila--Pormal na binuksan Lunes, ika-18 ng Marso, 2019 sa University of the Philippines Diliman ang China Book Center (CBC), unang ganitong sentro sa Pilipinas.
Se seremonya ng pagbubukas, ipinahayag ni Tan Qingsheng, Charge d'affairs Ad Interim ng Embahada ng Tsina sa Pilipinas, na ang pagkakaibigan at pagkaunawan ng mga mamamayang Tsino't Pilipino ang pundasyon ng relasyon ng dalawang bansa.
Ang pagkakatatag ng CBC ay palatandaan ng diwa ng pagbubukas at pagiging inklusibo ng UP, aniya.
Dagdag ni Tan, ito rin ay makakatulong sa pagkakaroon ng tamang impormasyon ng mga kabataang Pilipino tungkol sa Tsina.
Sinabi niyang ang kabataan ay kinabukasan ng bansa, kaya, umaasa siyang ang CBC ay maging bintana para malaman ng mga Pilipino ang kultura, kasaysayan at pag-unlad ng Tsina.
Ini-ekorahe rin niya ang mga dalubhasa at estudyanteng Pilipino upang maging embahador ng pagkakaibigan at pagtutulungan ng dalawang bansa.
Sinabi naman ni Michael L. Tan, Chancellor ng UP Diliman, na may masaganang kooperasyon ang UP sa mga pamantasan ng Tsina.
Aniya pa, ang pagkakatatag ng CBC ay mahalagang hakbangin sa pagpapasulong ng kooperasyon at pagpapalitan ng dalawang panig, sa larangan ng kultura at edukasyon. Umaasa aniya siyang sa pamamagitan ng CBC, ibayo pang mapapalalim ang kooperasyon ng dalawang panig.
Sa kabilang dako, ayon kay Chen Shi, Deputy Editor-in-Chief ng China International Publishing Group, na ang pagkakatatag ng CBC ay isang bunga ng pagpapatupad ng mga kasunduan ng pamahalaan ng Tsina at Pilipinas.
Umaasa aniya siyang ang CBC ay magiging tulay ng mapagkaibigang pagpapalagayan ng mga mamamayan ng dalawang bansa at pagpapasulong ng mga aktibidad ng pagpapalitang pangkultura.
Sa seremonya, itinanghal din ng mga gurong Tsino ng Confucius Institute ng UP ang mga tradisiyonal na kulturang Tsino.
Ang CBC ay magkakasamang itinatag ng China International Publishing Group, Embahadang Tsino sa Pilipinas at UP.
Mayroon itong 1000 libro na may kinalaman sa kasaysayan, kultura, at kasalukuyang kalagayan ng Tsina.
Report: Ernest Wang
Larawan: Sissi Wang
v E-commerce ng Tsina, positibong oportunidad para sa mga produktong Pilipino 11-12 13:05 |
v Pagbubukas at pag-unlad ng distrito ng Pudong, Shanghai, maaaring matutunan ng Pilipinas – Embahador Jose Santiago Sta. Romana 11-11 16:19 |
v Xi Jinping: Pag-unlad ng Tsina at daigdig, hindi dapat paghiwalayin 11-10 21:12 |
v Xi Jinping, lubos na pinahahalagahan ang inklusibo at sustenableng pag-unlad 11-10 19:45 |
Louis Marquez: Shenzhen, magiging lider sa teknolohiya sa buong mundo; pamumuhay sa lunsod, isang biyaya-Mga Pinoy sa Tsina |
Bagong semestre, nagsimula; mga DIY na regalo mula sa mga mag-aaral, inihandog sa mga gurong Pilipino sa Shanghai |
Bong Antivola: 2020 CIFIT hudyat sa kahanga-hangang pagbangon ng Tsina sa gitna ng pandemiya; mamumuhunang Tsino malaki ang interes sa pakikipagkooperasyon sa Pilipinas |
Dandy Menor: 19 na taong paninirahan sa Shenzhen, di mapapantayan-Mga Pinoy sa Tsina |
More>> |
© China Radio International.CRI. All Rights Reserved. 16A Shijingshan Road, Beijing, China. 100040 |