Ipinatalastas kamakailan ng panig Amerikano ang plano nitong dagdagan ng 10% taripa ang mga ini-aangkat na produktong Tsino na nagkakahalaga ng 300 bilyong dolyares, at grabe itong lumalabag sa napagkasunduan ng mga lider ng dalawang bansa sa Osaka Summit. Bunsod nito, hindi inimplementa ng Komisyon ng Polisiya ng Taripa ng Konseho ng Estado ng Tsina ang pansamantalang pagpapawalang-bisa sa tariff hike sa mga produktong agrikultural ng Amerika na napagkasunduang aangkatin ng Tsina matapos ang Sabado, Agosto 3 ng kasalukuyang taon. Bukod dito, sinuspinde na ng mga kaukulang bahay-kalakal ng Tsina ang pagbili ng mga produktong agrikultural ng Amerika.
Ito ang kinakailangang hakbanging isinagawa ng Tsina bilang tugon sa muling tariff hike ng panig Amerikano, at ito'y makatwiran at lehitimo. Sa katotohanan, malakas ang pagkokomplemento ng Tsina at Amerika sa larangang agrikultural, at ang pagkakaroon ng kalakalan sa larangang ito ay angkop sa komong kapakanan ng kapwa panig. Matapos ang pag-uusap sa Osaka Summit ng mga lider ng Tsina at Amerika, ayon sa pangangailang panloob at prinsipyo ng pamilihan, natamo ng Tsina ang malaking progreso sa pagbili ng mga produktong agrikultural ng Amerika. Mula Osaka Summit hanggang noong katapusan ng nagdaang Hulyo, napakaraming produktong agrikultural ng Amerika ang naibiyahe sa Tsina, ng walang import tariff hike.
Aktibong isinasakatuparan ng panig Tsino ang pagkakasundo sa Osaka Summit sa pamamagitan ng aktuwal na aksyon at nagpapakita ito ng katapatan sa kooperasyon. Ngunit muling ipinabaya ng panig Amerikano ang pangako, ipinakitang hindi ito maaaring-pagkatiwalaan, at muli nitong ginamit ang "tariff stick" laban sa Tsina. Ito ay ganap na nakakasira sa kinakailangang kondisyon sa pagtutuloy ng agricultural products trade ng dalawang panig. Walang ibang pagpili ang Tsina kundi magsagawa ng mga katugong hakbangin para maipagtanggol ang dignidad ng bansa at sariling lehitimong karapatan at kapakanan. Samantala, malinaw din itong ipinakikita na walang anumang kuwenta ang pagpataw ng sukdulang presyur laban sa Tsina.
Ang Tsina ang pinakamalaking bansang nag-aangkat ng mga produktong agrikultural, at ang Amerika naman ay pinakamalaking bansang nagluluwas ng mga produktong agrikultural sa daigdig. Ang kalakalan ng produktong agrikultural ay mahalagang bahagi ng relasyong pangkabuhayan at pangkalakalan ng dalawang bansa. Sa kasalukuyan, muling nasasadlak ang kalakalang ito sa kahirapan, at dapat ganap na isabalikat ng panig Amerikano ang pananagutang ito.
Salin: Lito
