Mahigpit na pagtutol at buong tinding pagkondena, ang ipinahayag Miyerkules, Disyembre 4, 2019 ng State Ethnic Affairs Commission (SEAC) ng Republika ng Bayan ng Tsina sa pagpapatibay ng Mababang Kapulungan ng Amerika ng ""Uyghur Human Rights Policy Act of 2019."
Sinabi ng SEAC na sa kabila ng matinding pagtutol at solemnang representasyon ng panig Tsino, buong tigas na pinagtibay ng Mababang Kapulungan ng Amerika ang nasabing akta. Ito anito ay walang galang na panghihimasok sa suliraning panloob ng Tsina, at lantarang lumalapastangan sa pundamental na norma ng relasyong pandaigdig. Binabewala ng aktang ito ang katotohanan at ibinaligtad ang itim at puti; lipos itong bias sa isinasagawang patakarang Tsino sa pangangasiwa sa Xinjiang, at dinungisan ang natamong tagumpay ng pag-unlad ng lugar na ito, anang SEAC.
Dagdag pa nito, mula sinaunang panahon, ang Xinjiang ay di-maihihiwalay na bahagi ng teritoryo ng Tsina. Ang suliranin ng Xinjiang ay ganap na suliraning panloob ng Tsina, at hinding hindi itong pinanghihimasukan ng anumang puwersang panlabas, saad ng SEAC.
Salin: Li Feng