Sa kabila ng matinding pagtutol ng panig Tsino, lantarang pinagtibay ng Mababang Kapulungan ng Amerika ang "Uyghur Human Rights Policy Act of 2019." Ipinalalagay ng komunidad ng daigdig na ang aksyong ito ay malubhang panghihimasok sa suliraning panloob ng Tsina, sinasadyang pagdungis sa kalagayan ng karapatang pantao ng Xinjiang, at pagsira sa ginagawang pagsisikap ng Tsina laban sa terorismo at de-radikalisasyon. Ito anila ay nagbubunyag ng "double standards" ng Amerika sa isyu ng paglaban sa terorismo.
Sa isang pahayag na inilabas ng Syria, sinabi nito na ang nasabing aksyon ng Amerika ay lumalabag sa pandaigdigang batas. Ito anito ay lantarang panghihimasok sa suliraning panloob ng Tsina. Ang puspusang pagbibigay-dagok ng pamahalaang Tsino sa "Tatlong Puwersa (Terorismo, Separatismo, at Ekstrimismo)" ay nakakapagbigay ng ambag para sa pandaigdigang usapin ng paglaban sa terorismo.
Inanunsyo rin ng Ministring Panlabas ng Iran na ang panghihimasok sa suliraning panloob ng soberanong bansa ay nagiging "madalas" na kilos ng Amerika. Anito, walang anumang kuwalipikasyon ang Amerika na magpahayag ng kung sanu-ano tungkol sa isyu ng karapatang pantao, lahi, at mga suliraning panrelihiyon ng mga ibang bansa.
Sinabi ni Sonia Bressler, ekspertong Pranses sa isyu ng Tsina, na ang Xinjiang ay isang lugar kung saan maharmoniyang nakikipamuhayan ang maraming nasyonalidad. Aniya, ang "karapatang pantao" ay isang kagamitan lamang ng Amerika sa pagliligaw ng opinyong publiko.
Salin: Li Feng
