Nitong nakalipas na ilang araw, kinaharap ng Italya ang kakulangan sa materyal at pasilidad na medikal sa gitna ng laban sa epidemiya ng Corona Virus Disease 2019 (COVID-19). Tinawagan ni Ministrong Panlabas Luigi Di Maio ng Italya ang kanyang Chinese counterpart na si Wang Yi, para humingi ng tulong ng panig Tsino.
Ipinahayag ng panig Tsino na ipagkakaloob sa panig Italyano ang mga materyal na medikal na gaya ng mask, iluluwas ang mas maraming kinakailangang materyal at pasilidad, at ipapadala ang isang grupo ng Red Cross Society ng Tsina (RCSC) na bubuuin ng 7 boluntaryong dalubhasa, para tulungan ang Italya sa pagpuksa sa epidemiya.
"Walang bansa ng Unyong Europeo (EU) ang tumugon sa pananawagan ng Komisyon ng EU. Ang Tsina ang siyang tanging bansang rumisponde." Ito ang sinulat ni Maurizio Massari, Embahador ng Italya sa EU sa isang isinapublikong artikulo.
Sa katunayan, sa pandaigdigang aksyong laban sa epidemiya ng COVID-19, napakalaki ng ginawang pagsisikap at sakripisyo ng panig Tsino.
Sa pamamagitan ng mahigit isang buwang masigasig na pagsisikap, inilatag ng Tsina ang linyang pandepensa para sa pagpigil sa pagkalat ng epidemiya sa komunidad ng daigdig, at nagwagi ng mahalagang panahon para sa iba't ibang panig. Kasabay nito, napapanahon nitong ibinahagi World Health Organization (WHO) ang impormasyon ng viral gene sequence, at ipinaalam sa mga may kinalamang bansa't rehiyon ang impormasyong kaugnay ng epidemiya.
Napapatunayan ng mga hakbang ng Tsina na mapipigilan ang epidemiya ng COVID-19. Kung magbubuklud-buklod at magtutulungan ang iba't ibang bansa, saka lamang mababago ng sangkatauhan ang tunguhin ng epidemiya. Sa pandaigdigang kooperasyon laban sa epidemiya, hindi kailaman lumiban ang Tsina, at patuloy itong gagawa ng sariling ambag at pagsisikap.
Salin: Vera
