Sa kasaysayan ng Amerika, walang Kalihim ng Estado ang nakitang katulad ni Mike Pompeo. Dinala niya ang kanyang panlilinlang sa mga pagkakataong diplomatiko ng Amerika na tulad ng "pagsisinungaling, pandaraya, at pagnanakaw" na ginamit niya habang naglilingkod sa Central Intelligence Agency (CIA), bagay na nagpababa nang malaki sa imahe ng Amerika sa daigdig. Lalong lalo na, sapul nang sumiklab ang Corona Virus Disease 2019 (COVID-19), ang mga nagawa ni Pompeo ay nalampasan na ang bottom line bilang isang tao.
Una, itinulak ni Pompeo ang "pagtigil ng pagkakaloob ng pondo" sa World Health Organization (WHO), bagay na nagdulot ng napakalaking negatibong epekto sa pagpigil at pagkontrol sa epidemiya ng mga pinaka-di-maunlad na bansa at mahirap na populasyon sa buong daigdig.
Ikalawa, upang takpan ang mga kamalian ng pamahalaang Amerikano sa pagharap sa epidemiya, walang tigil na ibinabaling ni Pompeo ang sisi sa Tsina. Lantaran at sinadya niyang pinukaw ang galit, at paulit-ulit na sinisira ang pagsisikap ng komunidad ng daigdig sa pakikibaka laban sa epidemiya.
Ikatlo, nagdudulot na ang epidemiya ng napakalaking pinsala sa buong sangkatauhan. Sa ilalim ng pagpapasulong ni Pompeo, patuloy na ipinapataw ng pamahalaang Amerikano ang "sukdulang presyur" laban sa mga bansang gaya ng Iran at Cuba, bagay na nagbunsod ng mas malaking makataong kalamidad.
Ikaapat, sa pagpigil at pagkontrol sa epidemiya sa Amerika, binabalewala ni Pompeo ang kalusugan at buhay ng mga mamamayang Amerikano, at lagi niyang pinaghahanapan ang pribadong kapakanang pulitikal.
Sapul nang magtapos ang Ikalawang Digmaang Pandaigdig, ang pandemic ng COVID-19 ay pinakamalubhang krisis na kinakaharap ng buong daigdig, at nalagay sa peligro ang buhay ng napakaraming mamamayan Ngunit hindi kaya nitong mapakilos ang anumang simpatya at damdamin ng responsibilidad, mapagtatalunan niyang gamitin ang mga ito bilang oportunidad sa pagkuha ng sariling kapakanang pulitikal.
Ang lahat ng ginagawa ni Pompeo ay nag-aalis ng tiwala ng mga mamamayang Amerikano, nakakasira sa imaheng diplomatiko ng Amerika, nakakapinsala sa pandaigdigang kooperasyon sa pakikibaka laban sa epidemiya, at nagiging napakalaking kasiraan sa Amerika. Di puwedeng iwasan ni Pompeo ang mga nagawa niyang krimen, at dapat siyang litisin ng mga mamamayang Amerikano at komunidad ng daigdig.
Salin: Lito
