Mga bilanggo, umaasang mapapansin sila ni Pope Francis
BUHAY ang pagasa ng mga bilanggong mapapansin sila ni Pope Francis. Ito ang sinabi ni G. Rodolfo Diamante, executive secretary ng Episcopal Commission on Prison Pastoral Care sa isang panayam sa CBCP Online Radio.
Lumiham ang mga bilanggo sa piitang saklaw ng Bureau of Corrections kay Pope Francis na idinaan kay Arsobispo Guiseppe Pinto, ang Apostolic Nuncio sa Pilipinas may dalawang buwan na ang nakalilipas.
Ayon sa mga bulanggo, marami silang mga nagawang pagkakamali at pinagbabayaran na nila ang kanilang mga nagawa. May mga pagkakataong tinalikdan na sila ng kanilang mga mahal sa buhay.
Hindi umano madaling mbilanggo sapagkat mahihirapan na nilang maibalik sa maayos ang kanilang katayuan dahilan sa walang katapusang pagdududa ng lipunan sa kanila. Sumailalim na sila sa mga pagsasanay at pag-aaral at nagkapanahon upang manampalataya.
Sa paglipas ng panahon, unti-unting napawi ang kanilang poot at kawalan ngpag-asa. Isang magandang pagkakataong mabatid nilang mayroon pa ring nagmamahal sa kanila.
Hiniling ng mga bilanggo na makasama si Pope Francis ng kahit ilang sandali sa kanyang pagdalaw sa Pilipinas sa darating na Enero.
Ipinaliwanag ni G. Diamante na sa nakitang schedule ng Santo Papa, tila walang nakalaang panahong dumalaw sa National Bilibid Prison kaya't umaasa na lamang ang mga bilanggo na kahit ang ilan sa kanilang mga kamag-anak ay mabigyan ng puwang sa pagtitipon ng mga pamilyang Pilipino sa SMX sa Mall of Asia.
1 2 3 4 5 6
