Arsobispo Villegas, nanawagan sa madlang maging mapagbantay
NANAWAGAN si Arsobispo Socrates B. Villegas, pangulo ng Catholic Bishops Conference of the Philippines sa Commission on Elections na maging maingat sa kanilang pagpasok sa mga kontrata sa pagpapatakbo ng automated elections upang makaiwas sa mga pagdududa at batikos.
Sa isang pahayag na inilabas Miyerkoles ng hapon, sinabi ni Arsobispo Villegas na naglabas ng pahayag ang kanyang mga kapatid na obispo sa kanilang paniniwala at impormasyon sa kontratang nakaambang ibigay ng Comelec sa Smartmatic, isang kontrobersyal at lumalabas na pinapaborang technology seller para sa nalalapit na halalan.
Ayon kay Arsobispo Villegas, nabatid na ng kanyang mga kapatid na obispo ang kahinaan na sistema kasabay ng kapani-paniwalang balita sa kapalpakan ng makita at sistema kaya't mayroong mga pagdududa sa proseso ng halalan.
Mahalaga ang pagkakaroon ng maayos na kalalabasan ng halalan sapagkat may kinalaman ito sa pagpapahayag ng mamamayan ng kanilang napiling mamuno ayon sa kanilang karapatan bilang mga botante.
Nanawagan siya sa mga pamantasan at dalubhasaang pinatatakbo ng mga relihiyoso na may mga information technology departments na mag-alok ng kanilang serbisyo at pagsusuri at mungkahi upang maibsan ang anumang pagkukulang.
Sa pagkakataong ito, nararapat maging bukas sa mga mungkahi't puna ang Commission on Elections upang mailayo ang automated elections sa anumang pagdududa ninoman sapagkat mithi ng lahat ang malinis na halalan.
1 2 3 4 5 6
