Recruiters ni Mary Jane Veloso, pinakakasuhan na
MAY dahilan umanong kasuhan ng qualified trafficking, illegal recruitment at estafa ang sinasabing recruiters ni Mary jane Veloso na sina Ma. Cristina Sergio at ang kanyang live-in partner na si Julius Lacanilao at isang nagngangalang "Ike".
Ayon sa Department of Justice, sa kanilang pagsusuri, may kaukulang ebidensya na ituloy ang usapin.
Nagmula ang reklamo sa National Bureau of Investigation Anti-Human Trafficking Division ayon sa affidavit ni Mary Jane Veloso na natamo ng Philippine Drug Enforcement Agency ng dumalaw sila sa piitan sa Yogyakarta, Indonesia.
Ang resolusyon na may petsang ika-anim ng Hulyo ay isinumite ni Assistant Prosecutor Susan Azarcon at sinangayunan ni Assistant Senior State Prosecutor Elizabeth Santos at Prosecutor General Claro Arellano.
Ipararating ang usapin sa isang hukuman sa Nueva Ecija.
1 2 3 4 5 6