Inutusan ngayong araw ni Punong Ministro Najib Razak ng Malaysia ang hukbong pandagat ng bansa na hanapin ang mga bapor ng na lulan ang mga refugee sa Andaman Sea. Ipinahayag din niyang bibigyan ng Malaysia ng tulong na humanitaryan ang mga repyugi.
Sa kasalukuyan nagpupulong ang Malay, Indonesia at Myanmar para malutas ng krisis ng mga refugee sa dagat. Ayon sa pagtaya, humigit-kumulang 7,000 katao ang lulan ng mga barkong nakatigil Andaman Sea.
Ang karamihan ng mga refugee ay Rohingya at Bangladeshi.
Noong unang dako ng buwang ito, natuklasan ng kapulisan ng Thailand ang ilampung libingan at narekober ang ilang dosenang bangkay sa Songkhla, lalawigan sa dakong timog ng Thailand. Ayon sa inisyal na imbestigasyon, ang mga nasawi ay mga Rohingya mula sa Myanmar at Bangladesh.
Bilang tugon, inatasan ni Punong Ministro Prayut Chan-ocha ng Thailand ang iba't ibang pamahalaang lokal na kaagad lutasin ang isyung ito at parusahan ang sinumang ilegal na pumipigil o nagpupuslit sa mga Rohingya.
Dahil dito, naiwan ng mga grupong nagpupuslit ng tao ang mga bapor na may lulang Rohingya sa dagat. Sapilitan namang lumilikas ang mga ito sa Indonesia at Malaysia.
Ang mga Rohingya ay Muslim na namumuhay sa Myanmar at Bangladesh. Pero, hindi kinikilala ng nasabing dalawang bansa ang mga Rohingya bilang kanilang mamamayan. Dahil sa mga madugong alitan sa pagitan ng mga Rohingya at mga mananampalataya ng Budismo, maraming Rohingya ang tumakas ng Myanmar at ilegal na nandayuhan sa Thailand, Malaysia at iba pang mga bansa. Kadalasan, ang mga Rohingya sa Thailand ay pinupuslit at nagsisilbing manggagawang mababa ang suweldo at masama ang panirahan.
Salin: Jade
