Noong nagdaang episode, isinalaysay ko sa inyo ang isang uri ng pamanang Tsino-leather silhouette show. Ang mga palabas ng leather silhouette show ay binubuo ng mga karakter at props na yari sa leather, kasama ng mga opera. Ngayong gabi, isasalaysay ko naman sa inyo ang dalawa pang uri ng arteng Tsino. Kapwa sila yari sa papel- saranggola at paper cutting.
Pagpapalipad ng saranggola
Ang saranggola ay pinakamatandang aerocraft sa daigdig na mas magaan kaysa sa hangin. Kapareho sa eroplano ang prinsipyo ng pagpapalipad ng saranggola. Sa kasalukuyan, idinidispley pa ng mga bansang dayuhan sa kanilang mga museo ang mga saranggolang Tsino. Sa museo ng Britanya, itinuturing ang saranggola na ika-5 great inventions ng ancient China. Ayon sa kasaysayan, ipinadala sa Europa ang saranggolang Tsino noong ika-14 na siglo, at ito ay gumanap ng mahalagang papel sa pag-imbento ng glider at eroplano.
Ang saranggola ay isa sa tipikal na laruan ng mga Tsino, lalong lalo na ng mga kabataan at katandaan. Pinagsama nito ang panonood, libangan, paligsahan at pagpapalakas ng katawan. Ito ay may mahigpit na kaugnayan sa mga ugali, palakasan, siyensiya't teknolohiya at sining. Ang pagpapalipad ng saranggola ay nangangahulugang "pagpapalipad ng malas" at "pagpapatangay sa ugat ng sakit." Makikita ang saranggola sa lahat ng dako ng Tsina, pinakapopular ito sa Wei Fang ng Shandong, sa mga lunsod na gaya ng Beijing, Tianjin, at Nantong ng Lalawigang Jiangsu.
Tulad ng mga larawang Pambagong Taon, ang mga saranggola ng Wei Fang ng Shandong ay may mahabang kasaysayan at naimpluwensiyahan ng sining ng mga larawang lilok sa kahoy. Maganda ang hugis ng mga saranggola, mahusay ang teknolohiya, buhay na buhay ang anyo at may magkakatugmang kulay, palagian at mataas ang lipad at may matinding tatak ng nayon.
Ang saranggola sa Beijing ay may mahigit 300 taong kasaysayan. Ang saranggolang hugis swallow ang pinakatipikal na kinatawan. Ang estruktura't ayos nito'y tulad ng lumilipad na swallow.
Ang saranggolang hugis swallow
Kapag ibinuka mo ang pakpak at buntot nito, mukha itong gunting at katulad ng Chinese character na "Da." Ang palamuti ng saranggolang langaylangayan ay nasa dalawang pakpak. Ang ayos ng mga tahi nito ay ginawang tulad ng paniki na kabigkas ng Chinese character "Fu," na nangangahulugang kaligayahan at suwerte.
1 2
