Pamahalaang Hapones, naglaan ng P 189 milyon para sa Pilipinas
AMBASSADOR URABE, LUMAGDA SA KASUNDUAN SA PILIPINAS. Nilagdaan nina Japanese Ambassador Toshinao Urabe at Kalihim Albert F. Del Rosario ang kasunduang magdudulot sa Pilipinas ng may P 189 milyon para sa scholarship at ayuda. (Japanese Embassy Photo)
LUMAGDA sina Japanese Ambassador Toshinao Urabe at Kalihim ng Ugnayang Panglabas Albert F. del Rosario sa kasunduan hinggil sa dalawang "Grant in Aid Projects" na nagkakahalaga ng Y 439 milyon o P 189 milyon kanina.
Magsusulong ang salaping ito sa palatuntunan sa edukasyon at kalusugan sa bansa ayon sa Human Resource Developoment Scholarship Project na nagkakahalaga ng P 103 milyon para sa 20 mga Japanese Development Scholars na katatampukan ng mga kabataan mula sa iba't ibang tanggapan na mag-aaral sa Japan sa school year 2014-2015. Ang mga paksang pag-aaralan ay "Good Governance", Agriculture and Rural Development", Financial Reform and Investment Promotion Policy" at "Peace and Stability in Mindanao" at makatulong na makabuo ng lupon ng mga mamumuno sa bansa na makakatulong sa pagpapaunlad ng ekonomiya sa pagbalik at paglilingkod sa Pilipinas. Mayroon nang naunang 239 JDS fellows.
Ang pangalawang bahagi ng grant aid ay pagpapakilala ng Japanese Advanced Products at System sa larangan ng Medical Equipment at Welfare Apparatus Package para sa taong ito. Ang paketeng ito ay may budget na Y 200 milyon o P 86 milyon upang magbigay ng kagamitang medical mula sa Japan at welfare apparatus para sa mga pagamutan ng pamahalaan.
Makakatulong ito sa pagpapahusay ng kalusugan sa bansa kabilang na ang mga tinamaan ni "Yolanda" at matulungan ang economic at social development sa bansa. Layunin din ng proyekto na ipakilala ang mga kagamitang gawa ng mga Hapones upang makatulong sa mga mamamayan.
1 2 3 4 5 6 7
